По последното, шесто градско миланско дерби во корист на Интер, сe нема повеќе нерви ниту кај децата кои навиваат за Милан.

Јаки сцени пристигнуваат од последниот меч на Цирих кој се сретна со Сент Гален. Лудиот април се обиде да им ја расипе фудбалската претстава со снег, ама не им успеа. На терен се симнаа навивачите кои создадоа услови за игра.

Насионал Монтевидео победил 2-1 против Депортиво Тахира во Копа Либертадорес а во самиот финиш можело да биде и поубедливо да не се правел Рубен Бентакур курнас.

Дваесет и пет годишниот ексцентричен Римјанин Џанлука Скамака има мошне интересна биографија. Почнал да тренира фудбал во Лацио па како мал отишол и во Рома. Патот го однел до Холандија и учел вештини во ПСВ Ајндховен и во Јонг ПСВ. После тоа игра за Кремонезе, Цволе, Асколи, Џенова, Вест Хем. Во август 2023-та доаѓа во Аталанта и тоа му е полн погодок.

Замина Велибор Џаровски-Џаро на 75 години. Легенда за сите времиња кога е во прашање темата за местенки и ред други анегдоти поврзани со фудбал, најмногу од времето во Југославија. Издвојуваме три за сега. Неповторлив лик.

Манчестер Јунајтед го совлада Шефилд со 4:2 откако губеше во два наврати. Португалската ѕвезда постигна два гола, од кои едниот мајсторски.

За време на мечот од 3. коло во Копа Либертадорес, Боливар од Боливија со 2-1 го совлада големиот Фламенго и го задржи максималниот учинок со 3 победи и 9 бода. Лошата вечер за Фламенго ја потврди и напаѓачот Бруно Енрике со една незгодна проценка.

Некогашниот ексцентричен центарфор на Ливерпул, Сенегалецот Ел Хаџи Диуф за време на еден хуманитарен натпревар во Франција на кој учествуваа и легенди како Дидие Дешам, Марсел Десаи, Арсен Вегнер, Дидие Дрогба, Самуел Ето и Адебајор, го дриблал францускиот претседател Емануел Макрон низ нозе.

Со триумфот над Фиорентина од 4:1, Аталанта е вториот финалист во Купот на Италија каде на 15 мај во Рим ќе се соочи со Јувентус. Џанлука Скамака растура во последно време. Му даде два гола на Ливерпул на гости во ЛЕ, па постигна прекрасен погодок против Верона во Серија А и еве го со нова атракција, овој пат во Купот.

Човек кој играл со Чави, Иниеста и Бускетс и кој бил дел од доминантната Шпанија, која ја криеше топката и која освои Европско, Светско, па пак Европско, не можеш да очекуваш да ги учи своите на тактика „Дувај ја“. Го прекина тренингот кога забележа дека некој од играчите на Баер се обидува со долги топки.

ПСЖ го декласираше Лорент на гости со 1:4 и на 4 кола до крај има +11 пред Монако, што значи уште не им е официјализирана титулата. Двојни стрелци Дембеле и Мбапе. Ако некој ве праша што значи тоа „Му го зема паметот“, пуштете му го клипов.

Заборавете малку на Петер Превц и Штефан Крафт и погледнете го ова мега задоволство кое си го приушти Рујоу Кобајаши. Што стори бе човек?

Триесет и шест годишниот Марсел Хиршер, осумкратен светски скијачки шампион, во 2019-та година ја прекина кариерата, а сега решил да се врати на патеките но ќе скија под холандско знаме. „Во чест на мајка ми која е Холанѓанка“, рекол Хиршер. Правилникот на светската скијачка федерација дозволува до 1. јули секој скијач да може да смени земја под чија закрила би се натпреварувал.

Вејн, тогаш 16-годишен страшно талентиран во нападот на Евертон, а Кристијано светска ѕвезда во надоаѓање во дресот на Манчестер Јунајтед. После од 2004-та до 2009-та го сочинуваа можеби најдобриот тандем во Премиер лига.

Некогашниот голман на полскиот клуб Варта Познањ Адриан Лис за време на полувремето од мечот против Краковија на стадионот „Милејски“ имал интересна асистенција.

Учесник на маратонот во Лондон застанал многу пати за да цугне различно вино. Сево ова од хумани причини за успешна хуманитарна акција, а на крај вика дека бил трезен.

Реал Мадрид лесно се справи со Басконија, славеше 90:74 во првиот меч од 1/4 финалето на Евролига во својата „Визинк Арена“. Легендата на Реал Мадрид, 37-годишниот Серхио Љуљ ја постигна 624-та тројка во својата евролигашка кариера и го надмина досегашниот рекорд на легендарниот Хуан Карлос Наваро кој имаше 623 постигнати тројки.

Левиот бек на италијанската фудбалска репрезентација и на новиот шампион во Серија А Интер, Федерико Димарко не можел да се качи на пречката за да прослави скудето со навивачите по триумфот над градскиот ривал Милан.

Арсенал ја забележа највисоката победа во историјата на дуелите со градскиот ривал Челси откако синоќа ги разби со 5:0. Леандро Тросар отвори, а Бен Вајт и Каи Хавертц постигнаа по два гола за петарда на „Емирати“ во Лондон. Арсенал после 34. кола е прв со 77 бода, Ливерпул е втор со меч помалку и 74 бода а Сити е трет со 73 бода и два меча помалку.

За време на вториот натпревар од серијата во разигрувањето меѓу Денвер Нагетс и ЛА Лејкерс, браќата на Никола Јокиќ, Немања и Страхиња влегле во судир со некој присутен а едниот од браќата дури и го удира нападнатиот. Причината не е позната, а веднаш зад нив стои сопругата на Јокиќ, Наталија со нивната ќерка.

Во драматичен меч, кошаркарите на Далас Маверикс со 96:93 го совладаа Лос Анџелес Клиперс во вториот натпревар од серијата и направија таканаречен брејк на гости во Лос Анџелес.

Меч од трета српска лига со асистенција ала Иниеста и завршница Златан Ибрахимовиќ, ама на еден поинаков, генијален начин.

Во големото дерби на чилеанскиот фудбал, Коло Коло на гости го совладал Универзидад Католика со 0-1 и прекинал серија од два порази во лигата. Стрелец: ветеранот Артуро Видал кој на 36 години се врати во својот матичен клуб после долга одисеја по светот. Видал е еден од ретките кои играл и за Баерн Минхен и за Интер и за Барселона и за Јувентус.