Дали те потсеќа Килијан Мбапе на Тиери Анри го прашува водителката Алесандро Дел Пјеро а тој вели: „Секако, секако... Имаше секакви, ама дечки Тити на времето беше незапирлив. Криво ми е само што не игравме повеќе еден против друг, јас бев често повреден“.

Европската ракометна федерација објави носталгично видео во кое потсеќа на битката на гигантите: Кире Лазаров и Микел Хансен на Европско првенство 2012, мечот меѓу Македонија и Данска кој Данците го добија 33:32 со гол во последна секунда. Лазаров и Хансен двајцата заедно дадоа 25 гола.

Дваесет и седум годишниот плејмејкер е најзаслужен што Њујорк Никс ќе игра во полуфинале на Истокот откако со маестрални партии ја елиминираа Филаделфија 76’. На последниот меч од серијата која Никс ја доби 4-2, нивниот лидер Џајлен Брансон имаше 41 поен, 12 асистенции и три скока. Ова му беше трет натпревар во низа со најмалку 40 поени.

Индијана Пејсерс го совлада Милвоки Бакс 120:98 и со 4:2 во серијата го исфрли некогашниот шампион од доигрувањето за титулата. Пејерс им набија таква фрустрација на Бакс што бекот на вториве Патрик Беверли пред крај на мечот два пати со топка намерно силно гаѓаше една навивачка на Индијана Пејсерс. За ова го чека суспензија.

Сан Себастијан е град во Баскија, во Шпанија, главен град на провинцијаа Гипузкоа, на само 20-ина километри од шпанско-француската граница. Во радиус од 25 километри во неколку различни местенца се родени Чаби Алонсо, најдобриот тренер во Европа за сезонава 2023/2024 кој прави чуда со Баер Леверкузен, Унаи Емери од Астон Вила, Микел Артета од Арсенал и Имано Алгуасил од Реал Сосиедад.

Грчки Олимпијакос ја забележа можеби најголемата победа во својата понова клупска историја, откако синоќа во Бирмингем во полуфинале од Лига на Конференции ја совлада Астон Вила со 2:4. Финалето на овој турнир се игра во Атина така што навивачите на Олимпијакос сонуваат дека би можеле во својот град да стигнат до пехарот.

После првите натпревари од полуфиналето во Лига Европа, Баер Леверкузен е речиси сигурен патник во големото финале затоа што синоќа со 0:2 ја совлада Рома на преполниот „Олимпико“ во Рим и носи предност од два гола на реваншот.

Многу кошарка се игра во НБА и не е можно сè да се пофати. Ама мора да се погледне Тајлер Хиро од Мајами. Ова се вика играње мајтап.

Баерн Минхен одигра 2-2 со Реал Мадрид во првиот меч од полуфинале на Лига на шампиони. Во самиот финиш тренерот Тухел во игра го внесува Алфонсо Дејвис наместо стрелецот на гол Лирој Сане. И сè во ред, додека еден помошник на клупата на Баерн не забележува што пишува на дресот на Дејвис. Александар Павловиќ број 45.

Помлад е 10 години, послаб и не е габаритен како сега. Нема забивања, нешто што не е дел од неговата игра ниту сега, туку си го игра своето. Доминантен во секој поглед.

За време на гостувањето во Оломоуц каде Спарта Прага победи 1-4 и со 4 бода предност во однос на најголемиот ривал Славија Прага влегува во доигрувањето за титула, навивачите на Спарта направиле прекрасно шоу. На необичната трибина формирале три колони во боите на нивниот клуб и наизменично пееле, секоја боја посебно.

Бразилецот кој од Ајакс за околу 100 милиони евра пристигна во Манчестер Јунајтед е едно од најголемите разочарувања на „Олд Трафорд“. Ај што не игра ништо, туку пазете го ова: најмил личен фотограф на кого му плаќал да ја носи играчката на син му од цртаниот лик Соник секаде каде што играл и ако даде гол да ја слика прославата со детската играчка, во негова чест. Фотографот ја носел играчката 10 месеци насекаде со Антони, а овој на 27 меча даде само еден гол сезонава.

Ако треба да се одбере најјакото шоу на годината од Си-Би-Ес, ова е тоа. Легендарниот дефанзивец на Ливерпул, синоќешното полуфинале го гледал во Дортмунд и тоа здружен со навивачите. Дупе се направил и таков се јави во живо.

Eден од најтрофејните италијански клубови, повторно се враќа од втората лига Серија Б во Серија А.

Четвртолигаш од Бразил му одиграл 1-1 на познатиот тамошен прволигаш Ред Бул Брагантино во првиот натпревар од Куп на Бразил. Гостите повеле од пенал 0-1 а домаќините и покрај тоа што од 40-та минута играле со играч помалку, успеале да израмнат. Стрелец: Вилкерсон Жуниор де Соуза или скратено Батата.

1 мај 2019. Полуфинале од Лига на шампиони меѓу Барселона и Ливерпул. Ако сте подзаборавиле, тоа е она кога бандата на Клоп загуби 3:0, па дома тепаше 4:0, влезе во финале и го освои трофејот. На позицијата слободен удар се мести се знае кој. Не можеше да изведе нешто посовршено од ова.

Во 36’ минута од полуфиналето на Лига на шампиони меѓу Борусија Дортмунд и ПСЖ победничкиот гол го постигна германскиот репрезентативец Никлас Филкруг. И двата тима до крајот имаа многу шанси за гол но се испостави дека центарфорот на домашните е јунакот.

Ипсвич игра сезона од соништата во втората англиска лига Чемпионшип и сантиметар ги дели од промили испиени пива за пласман во Премиер лига. На коло пред крајот, Лестер Сити е сигурно прв со 97 бода и сигурен пласман. Ипсвич е втор со 93 бода, а Лидс Јунајтед е трет со 90 бода. „Трактористите“ во заостанатиот натпревар го совладаа Ковентри 1:2 на гости и сега за сигурен влез во Премиер доволен им е само бод од мечот на домашен терен против Хадерсфилд.

Печено беше второто полуфинале од ЛШ за повеќе голови. Барем колку што имаше во вторникот во Минхен. Промашуваа и двете екипи, а ПСЖ во една иста акција имаше две стативи. Ги собравме сите на едно место и сите се од второ полувреме.

Ал Хилал за противник во финалето во Купот на Саудиска Арабија го доби Ал Наср кој со 3:1 славеше над Ал Калеџ. Два гола на Кристијано Роналдо од кои едниот го постигна на интелигентен начин откако искористи кикс на гостите. Стрелаше и Мане.

По неверојатно драмататичниот четврти натпревар кога Клиперс израмни на 2:2, Далас Маверикс синоќа возврати и на гостински терен славеше 123:93. Со овој триумф Мавси се на чекор од пласман во следна рунда.

Борусија и ПСЖ одиграа полуфинале со отворен фудбал и многу шанси на двете страни. Вкупниот број на удари е 12:14. Погледнете ја шансата на Џулијан Брант на 7 минути до крај и интервенцијата на Маркињос. Аплаузи за Бразилецот.

НБА е тотално разлабавена и опуштена за разлика од порано. Ај што не се мисли на одбрана и стана нормално екипа да постигне 150 поени на натпревар, туку и чекори не се судат. Вакво нешто во 90-те му дозволија на Патрик Јуинг, ама на Ол стар, за да си направи ќеиф да ја забие.

Германските клубови играат сјајна сезона во Европа и во завршницата влегуваат со дури три клуба. Баерн, Борусија Дортмунд и Баер Леверкузен. „Милионерите“ од Дортмунд го совладаа ПСЖ 1-0 во првиот меч од полуфиналето во ЛШ. Натпреварот донесе многу шанси кај двете страни, само еден гол и прекрасна атмосфера од трибините. Посебно од легендарниот „Жолт ѕид“ зад едниот гол.