- Најтрофејниот италијански клуб по број на шампионски скудета, Јувентус сезонава не играше во еврокупови што од очајни резултати минатата сезона, што поради финансиски проблеми со УЕФА.
- Јуве пред два месеци беше на само два бода заостаток зад Интер а денес заостанува цели 20 бода колку што не заостанувал зад еден лидер во Серија А цели 30 години!
- Бјанконерите играат очаен, деструктивен фудбал и прашање е како сè уште се при горниот дел на табелата. Тренерот Масимилијано Алегри кој му донесе рекордни пет шампионски скудета по ред на Јувентус, на крајот од сезоната најверојатно ќе биде отпуштен. Со катастрофалните резултати во последно време (4 меча по ред без триумф) доведен е во прашање и до вчера сигурниот пласман во Лига на шампиони следната сезона.
- Јуве го чекаат Лацио во полуфинале на Куп (вечерва од 21:00), па тешки натпревари со Фиорентина и дерби со Торино. Можен наследник на Алегри е Тијаго Мота кој прави чуда со Болоња.
- Македонските ракометни арбитри Славе Николов и Ѓорѓи Начевски се делегирани од ЕХФ за финалето на елитната Лига на шампиони. Николов и Начевски ќе го комплетираат неверојатниот круг со арибтража на финале на Светско првенство, Европско првенство, Олимписки Игри и Лига на шампиони.
- На Фајнал Форот во култната „Ланксес Арена“ во Келн за трофејот ќе се борат Магдебург - Алборг и Барселона - Кил. Победниците од полуфиналните дуели ќе играат во големото финале на 9. јуни од 18:00 часот.
- Грчкиот повеќекратен шампион игра чудесна сезона и се пласираше во финале на Лига Конференции, прво историско финале на еврокуп за клубот од Пиреја.
- За нивна среќа, финалето се игра во Атина, на новиот ултра-модерен стадион на АЕК. Противник ќе им биде Фиорентина, а УЕФА на двата клуба им распределила по 9.000 влезници. Иако е повеќе од јасно дека Олимпијакос лесно би можел да наполни три стадиони, а не еден за ова финале, управата на клубот помислила на најверните.
- Во осминафиналето Олимпијакос дома доживеа дебакл 1-4 против Макаби Тел Авив. Реваншот се играше во српскиот град Бачка Топола поради тоа што УЕФА не допушта одигрување натпревари во воена зона па Макаби беше домаќин во Србија а не во Израел.
- Речиси никој не верувал во чудо па само 49 навивачи на Олимпијакос допатувале на реваншот. Црвено-белите славеа 1-6 и се пласираа во следна фаза, а Олимпијакос сега ги наградува тие 49 души со карти за големото историско финале.