Случајот кој сега ја доби својата финална одлука започнува уште во 1990-та година, кога извесен Ерик Брунети стартува бренд за облека за скејтери наречен FUCT.
Номинално, тоа било акроним од "Friends U Can't Trust," но јасно е дека тој збор е одбран затоа што се чита исто како и „fucked“.
Брунети сакал да го заштити тоа име и да има ексклузивно право да го користи за широка палета производи, од накит до мобилни телефон. Првично барањето му било одбиено, подоцна имал и пресуди од други инстанци кои оделе во негова корист, но сега дефинитивно го изгубил случајот.
Интересна е разликата во аргументација која била употребена против неговото барање. Во првиот случај, тој бил одбиен заради правилото да не се заштитуваат пцовки и непристојности. Но десетина години подоцна, Американскиот центар за патенти и трговски марки искористил поинакво објаснување: дека денес фак не е непристоен збор туку е масовно користена фраза во разни контексти и заради таквата масовност, никој не може да добие ексклузивност на неа.
