Почитувани,
На 31.07 (недела), околу 17 часот, додека шетав со двете деца на кеј во населба Хром, од другата страна на реката (најверојатно во Лака) се слушаше константно пукање од пиштол, а после кратко време и рафали од автоматско оружје. Најверојатно стануваше збор за некоја веселба, претпоставувам свадба.
Бидејќи се наоѓав во непосредна близина, истрелите се слушаа многу силно и искрено се загрижив за мојата и безбедноста на моите деца, кои патем доживеаја огромен стрес.
Како најсовесен граѓанин, веднаш се јавив на 192, се представив и уредно ја пријавив случката, на што диспечерот ми одговори со "Ок".
Очигледно беше дека немаше никаква реакција бидејќи и после 1 час истрелите од автоматско оружје продолжија па се јавив во ПС "Ѓорче Петров" да го пријавам истиот проблем, на што вработената ми одговори до зборовите: "Да господине, знаеме, во Лака е, слушаме и ние, меѓутоа немаме екипи моментално." Истрелите продолжија до 22:00 часот.
Па јас сакам да прашам, дали во оваа држава постои закон, дали треба да се чувствуваме заштитени кога во сред населено место каде што живеат луѓе и си играат деца се пука од автоматско оружје, а еве читаме дека после неколку дена има пријави за залутани куршуми.
Со почит,
Кирил Димовски
