Млад Литванец урна рекорд во фрлање диск стар 38 години

Дваесет и едно годишниот Миколас Алекна од Литванија постави нов светски рекорд во фрлање диск на светскиот турнир одржан во Оклахома (САД). Алекна фрлил 74,35 метри и го урнал рекордот стар цели 38 години кој го држел Германецот Јирген Шулт уште од 6-ти јуни 1986-та година кога фрлил 74,08 метри.

The best discus throw series in history.

72.21m
70.32m
72.89m
70.51m
74.35m WR
70.50m

Take a bow for the 21-year-old Mykolas Alekna 🙌pic.twitter.com/YfOQg58NLA
— World Athletics (@WorldAthletics) April 14, 2024

Дваесет и едно годишниот Литванец студира на Универзитетот Калифорнија и е двократен освојувач на медал на Светските првенства на отворено. Во 2022-ра освоил сребрен медал на Светскиот куп во Орегон и бронзен медал минатата година во Унгарија.

Занимливо е што новиот светски рекорд на Миколас Алекна доаѓа само ден по новиот светски рекорд и во женска категорија кој го поставила Кубанката Јаиме През со фрлање диск 73,09 метри.

објавено: 15 април 2024 - 08:32