- Повеќе месечните протести против употреба на ВАР систем на фудбалските терени во Шведска вродија со плод. Навивачите бурно протестираа од коло во коло и на крајот остварија победа.
- Шведска и официјално стана прва земја која што одбила да користи ВАР систем за проверка на спорни моменти од натпреварите и корекција на судиски одлуки.
- „ВАР нема да се имплементира во нашите натпреварувања“, рекол претседателот на шведската фудбалска федерација Фредрик Рајнфелд кој бил порано и премиер на Шведска и кој претходно најавувал дека овој систем е „наша иднина“.
- Шведските клубови воглавно се организирани по германскиот систем 51% во сопственост на членовите на клубот односно навивачите кои поседуваат и сезонски карти. „Ако добро изброив, имаме 18 елитни клубови и два сојузи кои рекоа дека не сакаат да се внесе ВАР. Го почитуваме тоа“.
- Соседна Норвешка пред една година воведе ВАР систем но и таму траат бурни реакции против и прашање е колку долго ќе се задржи оваа технологија.
- Фудбалскиот сојуз на Албанија објави дека се кандидирал за организација на завршен турнир на Европско првенство за млади фудбалери до 21 година во 2027-ма година.
- Од фудбалскиот сојуз на Албанија додаваат и дека ќе му се обратат на фудбалскиот сојуз на Србија со желба двете федерации заеднички да организираат Европско затоа што немале доволно стадиони кои ги задоволуваат највисоките европски стандарди.
- Албанија во последните години бележи одлични резултати, се пласираа на две Европски првенства (2021 и 2024). Со сојузот кај нив раководи Арманд Дука кој е воедно и еден од потпретседателите на УЕФА. Тирана беше домаќин на финале на Лига Конференции во 2023 а во 2025-та ќе организира и Европско У-15.
- Македонија и официјално го доби првиот спортист кој ќе настапи на Олимписките игри во Париз кои се одржуваат летово од 26 јули до 11 август.
- Се работи за нашиот атлетичар Дарио Ивановски, кој според ранкингот на World Athletics во моментов е на 78. место во дисциплината маратон.
- Ивановски е сопственик на националниот рекорд, остварен пред три месеци на маратонот во Севиља со време од 2 часа, 8 минути и 26 секунди, што е апсолутно најдобро време во историјата на Македонија.