Финале на Лига на шампиони - 2013.
На крилата на неверојатниот Роберт Левандовски кој му даде четири гола на Реал Мадрид во полуфиналето на ЛШ, Дортмунд се пласираше во германското финале на Вембли. Таму Борусија на Клоп загуби 1:2 од Баерн Минхен со голот на Робен кој до тоа финале го сметаа за малерозен.
Финале на Купот на Германија - 2014.
Борусија на Клоп одново загуби од Баерн (0:2) со голови кои паднаа во продолжението. Во 90 минути немаше гол, а потоа Робен и Милер ѝ го донесоа трофејот на екипата на Гвардиола.
Финале на Куп на Германија - 2015.
Борусија загуби во финалето од Волфсбург 1:3, тоа беше последната сезона на Клоп во Дортмунд. Обамејанг го отвори резултатот рано во 5. минута, но Луис Густаво, Кевин де Брујне и Бас Дост му го земаа пехарот на Дортмунд.
Финале на англискиот Лига Куп - 2016.
Само што пристигна во Ливерпул, Клоп наскоро стигна и до своето прво финале. Црвените играа против Манчестер Сити во меч кој заврши 1:1, по што на пеналите славеа „Граѓаните" и Германецот повторно остана со празни раце (Лукас, Лалана и Кутињо не дадоа гол на пеналите).
Финале на Лига Европа - 2016.
Ливерпул беше подобар во првото полувреме и водеше со 1:0 против Севиља, но во вториот дел Шпанците им ја сокрија топката и заслужено славеа убедливо со 1:3.
Ливерпул следната сезона нема да игра во европските натпреварувања, затоа што во Премиер лигата завршија осмопласирани.
