Каде е појасот Газа?
- Не му ја мисли. И онака нема да постои до крајот на неделава.
Како медиумите му пристапија на конфликтот?
- Решително и неодговорно.
Колку луѓе загинаа?
- Зависи дали ги броиш и палестинските жртви.
Дали смее да ми е жал за сите жртви?
- Апсолутно не. Мора да одбереш страна.
Каква е меѓународната реакција?
- Луѓето од цел свет придонесоа со поплава од инфографици.
Како реагираа САД?
- Лидерите го потсетија Американците дека нивната нација има одговорност да биде распенавен обожавател на олтарот на смртта.
Што прави Израел за да избегне цивилни жртви?
- На цивилите од Газа им е дадена шанса засекогаш да бидат протерани од нивната татковина.
Каде можам повеќе да научам за состојбата?
- Тоа е гео-политички и морално сложена ситуација која се комплицира со децении и има контекст од илјадници години. Значи, пробај од инстаграм сторињата на братучед ти.
Која поука можам да ја извлечам од овој конфликт?
- Дека дехуманизацијата раѓа дехуманизација, дека теророт раѓа терор и дека никој од нас не може да биде слободен додека сите не сме слободни, или пак, дека е полесно да свртиш глава на страна.
