Израел како свој триумф ја славеше неодамнешната одбрана на земјата од иранските ракети и дронови кои се одмаздуваа за израелскиот напад на нивниот конзулат во Сирија. Сега испаѓа дека Американците срушиле повеќе од половината смртоносни честитки пратени од Техеран. Подоцна Израел возврати но Иран им порача дека со такви дронови кај нив деца си играат.   

Ужасната ситуација во Газа е во фокус на последниот извештај на меѓународниот Амнести во кој се критикуваат Германија (особено шефицата на дипломатијата Аналена Бербок) и другите европски држави за лицемерие и двојни стандарди во однос на тамошните страдања. Израел изведува колективна казна за сите цивили во Газа а Европа со месеци останува на тоа дека е загрижена.

„Зачудувачки сум сиромашен после кариера долга пет децении,“ сумираше стариот монтипајтоновец кој работи со полна пареа и на свои 84 години. Не дека Клиз не знае зошто е тоа така. Имаше развод од сопругата кој го чинеше 20 милиони долари а и признава дека не штеди пари кога се работи за подмладување со матични клетки.

Њујорк тајмс со сета своја сериозност објави текст во кој се хвалоспева и величи следењето и прислушкувањето што го врши американската разузнавачка машинерија и дома и низ светот.

Еден популарен американски синџир на продавници со години прави скрининг на кривичните досиеја и криминалната историја на оние кои се јавиле да работат кај нив. Нејќат луѓето осудувани лица. Сега попија тужба од државна агенција за работни односи која цени дека таквата пракса е - расистичка.

Премиерот на Баварија, Маркус Содер, повторно побара од ЕУ да ја повлече забраната за производство на возила на фосилни горива по 2035 порачувајќи дека таа е сосема погрешна. Баварија е седиштето на БМВ и Ауди, меѓу другите.

Израелскиот министер за внатрешни работи, Бен Гвир, инаку од крајно-десното крило на владата на Нетанјаху, повика на егзекутирање на палестинските затвореници за да се олесни пренаселеноста на затворите.

Шкотскиот премиер Хумза Јусаф донесе еден од најрестриктивните закони против говор на омраза, кој дури и длабоко авторитарни влади не би се осмелиле да го помислат. Законот што Трудо планира да го донесе, прави шкотскиот закон да изгледа како заштита на слободата на говор.

Оние кои штанцаат дезинформации веројатно живеат убаво ама и овие кои „се борат“ против нив не се за жалење. Финансирани од сороси, влади и министерства, го цензурираат новинарството креирајќи рејтинг листи и индекси за пожелни и опасни медиуми. А бидејќи „обичните“ дезинформации им изгледаа како претесен простор, ја проширија дефиницијата од што сè тие го штитат интернетот.  

Корпорациите во своите постојани преструктуирања и вртења на вработените се повеќе се наклонети кон еден метод во кој вработениот добива повисока позиција и повеќе работа и одговорности, но без покачување на плата, ова се вика суво унапредување.

Студија утврдила дека ставови кои отстапуваат од вообичаените и можат да се сметаат за ексцентрични или екстремни, дури и кога не се за политика или религија, привлекуваат повеќе интернет внимание и интеракции. Проблем е што кога ќе се види на што се пали публиката, тоа те мами да продолжиш во таа насока. Така безброј портали се самозакопаа со оние глупите „шокантно“ и „ексклузивно.“

Европа сака да биде и зелена и конкурентна и коректна кон сите што живеат во нејзините граници. Моментално не само што нема пари за ништо од тоа, туку нема ни одговор од каде ќе се најдат истите.

На жените спортистки треба да им се даде „спортска шанса“ бидејќи нивните конкурентки родени како мажи имаат „неспорна предност“ порачува британската министерска за култура и спорт, Луси Фрејзер.

Деновиве се појавија досега невидени и крајно неочекувани видеа од Дубаи во кои градот е комплетно преплавен од врнежи на дожд, слично на нешто што би се случило на северот од Европа или Амазон. И изгледа сами се криви за тоа.

Скандалот во НПР во кој долгогодишен уредник откри како медиумот е во идеолошко заложништво на новите „прогресивци“, вниманието го насочи кон ЦЕО-тоа на медиумот, Кетрин Мар. Поголем проблем е што таа претходно беше на истата функција во Викимедија. А се работи за жена која „слободниот и отворен“ интернет го смета за проблематичен концепт. Ко-основачот на Википедија се сомнева дека Владата и ЦИА имаат вмешано прсти.  

Своевремено пишувавме за причините поради кои канадскиот рокер Нил Јанг пред неколку години реши да ја повлече својата музика од стриминг платформата Спотифај. Не толку одамна пишувавме и за причините кои Нил Јанг ги наведе за враќање на неговите песни на истата платформа. Останува да спомнеме уште две милиони причини. Околу 170.000 месечно. 

Претставничкиот дом на американскиот Конгрес го изгласа пакетот воена помош за Украина за кој Републиканците долго се противеа а за кој Зеленски рече дека без него ќе ја изгубат војната. Од 61 милијарда долари, Американците ќе искористат 23 милијарди за да ја надополнат своите воени резерви (па после да им префрлаат). Има и 26 милијарди долари за Израел. 

Британија носи закон по кој на сите кои родени по 1 јануари 2009 ДОЖИВОТНО ќе им биде забрането да купат тутунски производи. По него, во 2091 година, 83-годишник со рак во терминална фаза не ќе може да купи кутија цигари, ама затоа неговиот 84-годишен цимер ќе може. После која ли генерација со вакви закони Британците ќе станат совршени луѓе, убер- раса, никогаш дебели, никогаш пијани?

Во првите години на овој сајт, американското јавно радио НПР, заедно со Салон, Атлантик, Ролинг Стоун... ни беа еден од најчесто користените извори на информации. Денес, ретко и да ги отвораме. Во меѓувреме се случи Трамп, пандемијата, диверзитетот... и многу нешта се променија во медиумските профили. Уреднички ветеран во НПР ни потврдува дека не сме биле сами и не без врска сме се оладиле од тој медиум.

Најголемата трагедија на руско-украинската војна е дека на крај ќе се покаже дека била залудна. Најверојатниот исход, територијално поместување во корист на Москва и безбедносни гаранции за Украина и Русија, ќе можеше и мирољубиво претходно да биде договорен доколку лидерите имаа пореална слика за балансот на моќта и поголема политичка храброст.

Американските олимпијки во најразличните атлетски дисциплини му се истурија на Најк откако ги видоа новите модели на боди со кои треба да се натпреваруваат на Олимпијадата и колку материјал фали од нив на клучни места.

Се работи за втората по големина донација што американските Демократите ја добиле во досегашниот дел од кампањата за изборите закажани за ноември 2024.

Испитување на 18 наводно „транс животни“ ги негира тврдењата на активистите дека сите ние живееме во небинарен родов „спектар“. Да, постојат фасцинантни механизми и адаптации кои некои суштества ги развиле во текот на еволуцијата (ниту едно од нив не е цицач), но на крајот, и кај нив постојат само два пола. На менито на природата има само М и Ж. А се разбира, секој има право да се идентификуви и како ѕиден часовник, ако сака.

Паралелно со јуначењето на Макрон со изјави дека ќе испраќа француски војници во Украина, Франција полека стана најголемиот увозник на руски гас во Европа. Само годинава земјата и има платено на Русија 600 милиони евра за природен гас.