Како што изминативе години ИТ индустријата почнува да се освестува (под притисок од секакви кризи) и да открива дотогаш незамисливи концепти на продуктивност и пазарна исплатливост, така најголемите ИТ џинови почнаа со масовни отпуштања на десетици илјади вработени, од кои сега излегува дека најголемиот дел немало ни потреба да бидат вработени.

Секирата на масовното отпуштање, освен што ги крати отпуштените, прави шубе и кај оние што ќе останат на работа. Менаџерите треба да знаат дека 1% отпуштени значи 31% што сакаат да си одат. „Преживеаните“ вработени имаат корпус деликти дека тие не се непогрешливи.

Работа од дома и отказ од дома.

Од доаѓањето на Трамп на власт Њујорк тајмс ги живее едни од најславните моменти во својата историја. Освен што стана столб на свесноста и новинарството, Тајмс успева да собере и 130.000 нови дигитални претплатници месечно. Проблемот е што славните моменти никако да се префрлат врз внатрешното функционирање на весникот.