- Повеќе месечните протести против употреба на ВАР систем на фудбалските терени во Шведска вродија со плод. Навивачите бурно протестираа од коло во коло и на крајот остварија победа.
- Шведска и официјално стана прва земја која што одбила да користи ВАР систем за проверка на спорни моменти од натпреварите и корекција на судиски одлуки.
- „ВАР нема да се имплементира во нашите натпреварувања“, рекол претседателот на шведската фудбалска федерација Фредрик Рајнфелд кој бил порано и премиер на Шведска и кој претходно најавувал дека овој систем е „наша иднина“.
- Шведските клубови воглавно се организирани по германскиот систем 51% во сопственост на членовите на клубот односно навивачите кои поседуваат и сезонски карти. „Ако добро изброив, имаме 18 елитни клубови и два сојузи кои рекоа дека не сакаат да се внесе ВАР. Го почитуваме тоа“.
- Соседна Норвешка пред една година воведе ВАР систем но и таму траат бурни реакции против и прашање е колку долго ќе се задржи оваа технологија.
- Прочуениот македонски кардиолог Сашко Кедев утрото на Велигден се качил на врвот Макалу висок 8.485 метри, петтиот највисок врв на светот и стана првиот Македонец кој го искачи овој врв.
- Успешната експедиција била составена од четворица меѓународни алпинисти и петмина шерпаси. Кедев одел со искусниот Кили Пемба Шерпа.
- Планинарското резиме на проф. д-р Сашко Кедев е импресивно: со Макалу (8.485 метри надморска висина), има вкупно 10 од 14-те „осумилјадарки“. Кедев претходно ги качи Монт Еверест (8.848), Нанга Парбат (8.126 метри), Анапурна (8.091), Чо Оју (8.188), Броуд Пик (8.051), К2 (8.611), Далагири (8.167), Манаслу (8.163) и Лоце (8.516).
- Откако Парма обезбеди сигурен пласман во Серија А како прва во втората италијанска лига, на коло пред крајот по нивен пат би можел да тргне и Комо.
- Тренерот на Комо Франсеск Фабрегас, легендарниот фудбалер на Арсенал, Барселона и Челси, би можел да го оствари сонот чекан во Комо цели 22 години.
- Комо е втор на табела со 72 бода, а трета е Венеција со 70. Во последното коло Комо дома ја пречекува Козенца, а Венеција ќе гостува кај Специја. Во случај на триумф, клубот во кој акции имаат повеќе бизнисмени и познати фудбалски лица меѓу кои и Тиери Анри и Денис Вајс, би можел да се врати во Серија А првпат после 2002-ра година.