Во сторијата „Анатомија на еден виц“, на пример на махерот Луи Сикеј е објаснета структурата на една заебанција и елементите кои треба да ги поседува (премиса, акцент, контра...) за да се дојде до завршниот удар. Шапел (кого повеќе го почитуваме од што ни е смешен) многу добро го знае сето тоа и почнува да раскажува случка со Џим Кери, за да изгради заебанција која нема врска со Џим Кери.

Грем Нортон има импресивна листа на славни личности кои биле кај него, кој од кој поталентиран, кој од кој позабавен (омилен ни е Греј Дејвис, види овде). Ако му тешко да одвои кој бил најзабавен, нема проблем да го одбере најдосадниот. Никој друг туку Роберт Де Ниро. Стариот знаел да раскажува долго а потоа да се праша: Зошто уопште ви го кажувам ова?Ама затоа знае да ја сврти приказната накај она што го чеша - Доналд Трамп.

За влог од 20 долари, дечкото ви нуди сто долари, нормално, ако го победите. Гледате, има работа за оној кој му се работи. Наравоучение: нема вештина која не може во некој дел од животот да ја искористите за фин ќар. Партиски и корпоративни голтачи можат да се пробаат и без многу дополнителен тренинг.

Уште кога Заев приватно го стави бројчаникот на Триумфална капија и во земјава не се најде ни една ебена институција да му каже, каде бе дечко така ставаш што ти текне на јавен објект (пробајте вие нешто слично, да видите како ќе ве спукаат инспекции), и на најшарените можеше да им стане јасно дека ова ќе остане ќенеф од држава. Ама, дур ти се врзани очите, сè изгледа надежно.

Сте виделе литургии, миси и процесии, ама ова немате видено. Народно-верски собир на една христијанска црква од Тексас, од која Бродвеј може да фаќа белешки а оние кои прават концернти спектакли како Рамштајн и Тејлор Свифт можат да липаат што не се ни блиску. И пазете, во името на верските слободи во Америка, сето ова е изземено од плаќање данок. 

Пoдкастот им се вика „Bad Friends“ иако суштината е сосема обратна: нема подобри френдови од нив, пошто меѓусебно се вреѓаат по секаква основа и притоа скроз им е забавно. Си ги вреѓаат мајките, се ругаат по расна основа, се тролаат по културолошки разлики, по што им текне.  Одлична хемија има меѓу двајцата.

На луцидниот Ал Јанковиќ мора лиги да му течеле кога одел кон банкомат да ги подигне парите кои Спотифај му ги уплатил за музиката која годинава била слушана на платформата. Тој одамна нема некој хит ама сепак во 2023 година, неговите песни имале 80 милиони стримови. Знаете колку му следува од Спотифај за 80 милиони стримови? 12 долари. Ќе се јаде сендвич!

Актуелниот претседател на Чиле, Габриел Бориќ, по потекло е од хрватскиот остров Угљан, но таа фамилија има мигрирано уште во 1897 година. Многу поинтригантна е семејната историја на новоизбраниот аргентински претседател: наводно мајка му на Хавиер Милеи, Алисија Луциќ, е внука на усташкиот поглавник Анте Павелиќ кој во 1948 бега во Аргентина.    

Го местат. Го викнале на муабет и го прашуваат за бившата. Кој кому раскинал, му фали ли, такви работи. Овој се разнежнува пa им кажува како му е на срцето. Не знае дека разговорот го следи и неговата бивша. Крајот е замислен како хепиенд, тие двајца повторно да се сретнат. Само што, треба да ги слушнете неговите последни зборови за да ви стане јасен насловот.   

Две другарки се договарале како облечени да излезат за Халовин. Решиле да се синхронизираат па обете да бидат облечени на тема - крава. Крава? Крава. Ок. Едната облекла трико со соодветни апликации, светкави хулахопки на долгите нозе, чизми... Чекајте да видите како договорот го разбрала таа другата.

Главниот град на Австрија прснал 1,8 милиони евра за фонтана со која ќе се обележи век ипол откако Виена добила чиста вода за пиење. Пазете, ова е направено, на пример, цели 261 година после римската Фонтана Ди Треви (завршена во 1762 година). Море и девет години после „Скопје 2014“ и фонтаната на Александар Македонски (која фуфкаџиите ја нарекоа Воин на коњ). Во 2023 година, за 1,8 милиони евра, Виена го доби ова. 

Пошто се очекуваат морализирања од типот не е убаво вака, греота и како не им е срам, веднаш да декларираме дека „Ниедна баба не е повредена за време на снимањето на ова видео.“Секоја старост повремено заслужува вакви моменти. Подоинствено е кога кмишат во ред на каса зашто имало некој попуст или чекаат да ги вклучат во ТВ програма? Накратко, ај па и ние да си дочекаме.

Бидејќи вештачката интелигенција по прашање на родот е генерално агностик, нејзината искреност знае да биде брутална. Како со овој дечко кој пробува ТикТок апликација која од тебе создава аниме лик. Апликацијата и нејзиниот софтвер за препознавање лица секогаш го прави машки лик, а тој е убеден дека тоа што е чупан и има долга коса и нокти е доволен доказ дека е женско.  

Греат тротоари и капаци од веце шољи, во возовите имаат кади да си киснеш петици, доцнењето на нивните возови се мери во секунди (кај нас им се гледа на календар), во школите немаат хигиеничар(к)и туку децата сами одржуваат чисто, на работа можеш да дремнеш бидејќи тоа е знак колку си бил посветен и вреден.... И за да го маскираат своето вонземско потекло, сакаат безбол и фудбал. 

ВИ пародија со младата климатска икона, Грета Тунберг (оди ли тоа дете некогаш на школо?), иако со неа никогаш не е јасно бидејќи и сама по себе често е пародија. Грета зборува за потребата од производство на одржливи тенкови, вегански ракети (имаат етикета, не можете да ги утнете на ракетниот пазар), воени авиони на батерии кои ќе носат био-разградливи бомби...

Грегори Доран (режисер и еден од врвните светски шекспиролози), објаснува како се родил еден скеч со Хамлет и неговата најпозната реплика: „Да се биде или не, прашање е сега“. Поконкретно, што од тоа треба актерски да се акцентира. Да видите до каде можат да одат тие дилеми околу една обична реченица и кој сè упаѓа на сцена. Генијално.

Дечкото сака да ја проповеда божјата реч, ама суштеството не му дава, бидејќи тоа било геј маало (гејборхуд; хау кјут) и затоа тој не бил добредојден таму. Откако овој побара да му објасни зошто тој не би можел да го каже тоа што сака да го каже како што му следува по устав и закони, суштеството почнува да пружа отпор со ултразвук. Ова дома да го имаш, џамови ќе ти попукаат. 

Настапите на  Доналд Трамп веќе стануваат стандардни стендапи, и тоа добри. За загревање го зашлакува Бајден а потоа и еуфоријата по електрични возила, во која се замислува дека и армиските тенкови треба да бидат електрични. Ќе влезат негде, ќе направат крв и пепел, ама тоа ќе го сторат со еко-френдли тенкови, го закуцува Трамп тоа неосвестено лицемерие.

Ко што викаше еден, слободно нека се прават жени, ама кога после 50-та година ќе ги стегне простата, да не мислат дека им е до јајниците. Еве еден олдскул критериум за таа модерна дилема, во случај да ти се случи некоја несакана дешавка во меѓуножје. Додуша, работата е забегана и до кучиња и мачиња....

Ќерка решава да го дрибла стариот. Од кола по телефон му јавува дека ја запреле за брзо возење, ама таа се правдала дека брза зашто татко ѝ дома паднал по скали. И сега таа вози дома а полицајците се зад неа, да видат да не лажела. - Па што да правам? прашува стариот. - Не знам, снајди се, му вика таа. Да видите само колку ревносно „се снајде“.

Рускиот претседател го примил колегата Салва Кир, претседател на Јужен Судан уште од осамостојувањето во 2011 година. Кул некој фраер, само малку труп со техника. Кир имаше проблем со апаратчето за превод па Путин мораше ко на дете да му покаже како тоа оди. Ќути што не се сретна со Бајден, не ќе се знаеше кој кому повеќе треба да помага.  

Одлична спрдачина со резилот кој си го приреди Канада поздравувајќи стар нацист како херој но и малку поширокото релативизирање на овој феномен, кога режими со апла наци елементи се слават како борци за слобода. „Толку измислувате нацисти, што еден ден ќе ви текне и Хитлер да го прогласите за нацист“.   

32 годишниот „кубанскиот Ајронмен“ се мава со чекан по разни делови на телото уште од свои 15 години. Бил тој и боксер, успешен, за жал и преуспешен. Имал 27 борби, се откажал од бокс кога на последниот противник со бокс му го скршил черепот и вој умрел. Оттогаш, само тој и само чекан.

Мал зум во дешавките во главата на италијанската премиерка, Џорџа Мелони, од една скорешна прес конференција. По наша слободна проценка, направена е гипс, мада некој слободно може да тврди дека на жената само ѝ се спие и се бори да остане будна. „Аха, мене нон-стоп ми се спие“, би рекол борецoт за будност, Аца Лукас.